Isaias 5:22-24

Ang Salita ng Dios (Tagalog Contemporary Bible)

²² Nakakaawa kayo, kayong malakas uminom ng alak at bihasa sa pagtitimpla nito. ²³ Pinakakawalan ninyo ang may mga kasalanan dahil sa suhol, pero hindi ninyo binibigyan ng katarungan ang mga walang kasalanan. ²⁴ Kaya matutulad kayo sa dayami o tuyong damo na masusunog ng apoy. Matutulad din kayo sa tanim na ang mga ugat ay nabulok o sa bulaklak na tinangay ng hangin na parang alikabok, dahil itinakwil ninyo ang Kautusan ng Panginoong Makapangyarihan, ang Banal na Dios ng Israel.