Isaias 5:16-18

Ang Salita ng Dios (Tagalog Contemporary Bible)

¹⁶ Pero ang Panginoong Makapangyarihan ay dadakilain sa kanyang paghatol. Sa pamamagitan ng matuwid niyang paghatol, ipinapakita niyang siya ay banal na Dios. ¹⁷ Ang nawasak na lungsod na tinitirhan ng mga mayayaman ay ginawang pastulan ng mga tupa.

¹⁸ Nakakaawa kayong mga gumagawa ng kasamaan sa pamamagitan ng pagsisinungaling.