Isaias 44:10-12

Ang Salita ng Dios (Tagalog Contemporary Bible)

¹⁰ Hangal ang taong gumagawa ng mga rebultong hindi naman napapakinabangan. ¹¹ Tandaan ninyo! Ang lahat ng sumasamba sa mga rebulto ay mapapahiya, dahil ang mga iyan ay gawa lang ng tao. Magsama-sama man sila at akoʼy harapin, matatakot sila at mapapahiya rin.

¹² Ang panday ay kumukuha ng kapirasong bakal at isinasalang sa baga. Pagkatapos, pupukpukin niya ito ng maso para maghugis rebulto. Nanghihina siya sa gutom at halos mawalan ng malay dahil sa uhaw.