Isaias 4:2-4

Ang Salita ng Dios (Tagalog Contemporary Bible)

Muling Pagpapalain ang Jerusalem

² Darating ang araw na pasasaganain at pagagandahin ng Panginoon ang mga pananim^[a] sa Israel, at ang mga ani ng lupain ay magiging karangalan at kaligayahan ng natitirang mga tao sa Jerusalem. ³ Tatawaging banal ang mga natirang buhay sa Zion, ang lungsod ng Jerusalem. ⁴ Sa pamamagitan ng kanyang kapangyarihan, hahatulan niya at lilinisin ang kasamaan ng mga babae sa Jerusalem at ang mga patayan doon.