Isaias 32:2-4

Ang Biblia, 2001

² Bawat isa ay magiging gaya ng isang kublihang dako laban sa hangin,
    at kanlungan mula sa bagyo,
gaya ng mga agos ng tubig sa tuyong dako,
    gaya ng lilim ng malaking bato sa pagod na lupain.
³ At ang mga mata nila na nakakakita ay hindi lalabo,
    at ang mga tainga nila na nakikinig ay makikinig.
⁴ Ang isipan ng padalus-dalos ay magkakaroon ng mabuting pagpapasiya,
    at ang dila ng mga utal ay agad makakapagsalita ng malinaw.