Isaias 31:1-3

Magandang Balita Biblia (with Deuterocanon)

31 Kahabag-habag kayong umaasa sa tulong ng Egipto
    at nagtitiwala sa bilis ng kanilang mga kabayo,
nananalig sa dami ng kanilang mga karwahe,
    at sa matatapang nilang mangangabayo,
sa halip na sumangguni at umasa kay Yahweh,
    ang Banal na Diyos ng Israel.
² Alam ni Yahweh ang kanyang ginagawa, nagpapadala siya ng salot.
    At gagawin niya ang kanyang sinabi.
Paparusahan niya ang gumagawa ng masama
    at ang mga tumutulong sa kanila.
³ Hindi Diyos ang mga Egipcio; sila'y mga tao rin,
    karaniwang hayop din ang kanilang mga kabayo at hindi espiritu.
Pagkilos ni Yahweh, babagsak ang malakas na bansa,
    pati ang mga tinulungan nito.
    Sila'y pare-parehong mawawasak.