Isaias 30:9-11

Ang Salita ng Dios (Tagalog Contemporary Bible)

⁹ Sapagkat mga rebelde sila, sinungaling, at ayaw makinig sa mga aral ko. ¹⁰ Sinabi nila sa mga propeta, ‘Huwag na ninyong sabihin sa amin ang tungkol sa mga pahayag ng Dios sa inyo. Huwag na ninyong sabihin sa amin ang tama. Sabihin nʼyo sa amin ang mga bagay na makapagpapasaya sa amin at mga pangitain na hindi mangyayari. ¹¹ Umalis kayo sa aming dinadaanan, huwag ninyo kaming harangan. Huwag na ninyong sabihin sa amin ang tungkol sa Banal na Dios ng Israel.’ ”