Font Size
Isaias 30:6-8
Ang Biblia, 2001
Isaias 30:6-8
Ang Biblia, 2001
6 Ang pahayag tungkol sa mga hayop ng Negeb.
Sa lupain ng kabagabagan at ng hapis,
na pinanggagalingan ng leong babae at lalaki,
ng ulupong at ng lumilipad na makamandag na ahas,
kanilang dinadala ang kanilang mga kayamanan sa mga gulugod ng mga batang asno,
at ang kanilang mga kayamanan sa umbok ng gulugod ng mga kamelyo,
sa isang bayan na hindi nila mapapakinabangan.
7 Sapagkat ang tulong ng Ehipto ay walang kabuluhan at walang halaga,
kaya't aking tinawag siyang
“Rahab na nakaupong walang kibo.”
8 Ngayo'y humayo ka, isulat mo sa harapan nila sa isang tapyas na bato,
at ititik mo sa isang aklat,
upang sa darating na panahon
ay maging saksi magpakailanman.
