Isaias 28:4-6

Magandang Balita Biblia

⁴Mabilis ang pagkawala ng kanyang nagniningning na kagandahan
tulad ng pagkaubos ng mga unang bunga ng igos,
na agad kinukuha at kinakain kapag nahinog.

⁵Sa araw na iyon, si Yahweh na Makapangyarihan sa lahat
    ang magiging maningning na korona ng mga nalabing hinirang.
⁶Siya ang papatnubay sa mga hukom upang maging makatarungan sa paghatol;
    at magbibigay ng tapang at lakas
    sa mga tagapagtanggol ng bayan laban sa mga kaaway.