Isaias 28:3-5

Ang Biblia, 2001

³Ang palalong korona ng mga maglalasing ng Efraim
    ay mayayapakan ng paa,
⁴at ang kumukupas na bulaklak ng kanyang maluwalhating kagandahan,
    na nasa ulunan ng mayamang libis,
ay magiging gaya ng unang hinog na bunga ng igos bago magtag-init:
    kapag ito'y nakikita ng tao,
    kinakain niya ito paglapat nito sa kanyang kamay.

⁵Sa araw na iyon ay magiging korona ng kaluwalhatian ang Panginoon ng mga hukbo,
at putong ng kagandahan, sa nalabi sa kanyang bayan;