Isaias 28:15-17

Ang Biblia (1978)

¹⁵ Sapagka't inyong sinabi, Tayo'y nakipagtipan sa kamatayan, at sa Sheol ay nakipagkasundo tayo; pagka ang mahigpit na kasakunaan ay dumaan, hindi darating sa atin; sapagka't ating ginawang pinakakanlungan natin ang mga kabulaanan, at sa ilalim ng kasinungalingan ay nangagkubli tayo,

¹⁶ Kaya't ganito ang sabi ng Panginoong Dios, ^(A)Narito, aking inilalagay sa Sion na pinakapatibayan ang ^(B)isang bato, isang batong subok, isang mahalagang batong panulok na may matibay ^(C)na patibayan: ^(D)ang naniniwala ay hindi magmamadali.

^17 (E)At aking ilalagay na pinakapising panukat ang katuwiran, at pinakapabato ang kabanalan: at papalisin ng granizo ang kanlungan ng mga kabulaanan, at aapawan ng tubig ang taguang dako.