Isaias 28:13-15

Magandang Balita Biblia

¹³ Kaya ganito ang pagtuturo ni Yahweh sa kanila:
    “Isa-isang letra, isa-isang linya,
    at isa-isang aralin;”
at sa kanilang paglakad, sila'y mabubuwal,
    mahuhulog sa bitag, masasaktan at mabibihag.

¹⁴ Kaya't ngayon ay dinggin ninyo si Yahweh, kayong mga walang galang na pinuno,
    na namamahala sa Lunsod ng Jerusalem.
¹⁵ Sapagkat^(A) sinabi ninyo, “Nakipagkasundo na kami sa kamatayan,
    gayundin sa daigdig ng mga patay.
Kaya hindi na kami mapapahamak
    dumating man ang malagim na sakuna;
ginawa na naming kuta ang kasinungalingan,
    at pandaraya ang aming kanlungan.”