Isaias 23:12-14

Ang Salita ng Dios (Tagalog Contemporary Bible)

¹² Sinabi ng Panginoon, “Mga mamamayan^[a] ng Sidon, tapos na ang maliligayang araw ninyo. Wasak na kayo! Kahit na tumakas kayo papuntang Cyprus, hindi pa rin kayo magkakaroon ng kapahingahan doon.”

¹³ Tingnan ninyo ang lupain ng mga taga-Babilonia.^[b] Nasaan na ang mga mamamayan nito? Sinalakay ito ng Asiria at winasak ang matitibay na bahagi nito. Pinabayaan itong giba at naging tirahan ng maiilap na hayop. ¹⁴ Umiyak kayo, kayong mga nagbibiyahe sa Tarshish, dahil nawasak na ang lungsod na pinupuntahan ninyo.