Isaias 23:10-12

Magandang Balita Biblia (with Deuterocanon)

¹⁰ Kayong mangangalakal ng Tarsis,
    sakahin na ninyo^[a] ang inyong lupain na tulad ng Nilo,
    sapagkat wala nang gagambala sa inyo.
¹¹ Ang parusa ni Yahweh ay abot hanggang sa ibayong dagat
    at ibinagsak ang mga kaharian;
iniutos na niyang wasakin ang mga kuta sa Canaan.
¹² Ang sabi ni Yahweh,
“Lunsod ng Sidon, tapos na ang maliligayang araw mo!
    Kahit na pumunta ka sa Cyprus ay nanganganib ka pa rin.”