Isaias 21:1-3

Magandang Balita Biblia

Parang ipu-ipong humahagibis mula sa disyerto
    ang manlulupig ng Negeb mula sa isang nakakapangilabot na lupain.
² Nakita ko ang isang pangitaing puno ng kalupitan,
    kataksilan, at pagkawasak.
Sugod, Elam!
    Sakupin mo, Media.
Wawakasan ko na
    ang ginawang pagpapahirap ng Babilonia.
³ Dahil dito, nakadama ako ng matinding takot,
    namilipit ako sa sakit
    tulad ng isang babaing nanganganak;
ako'y nakayuko kaya hindi makarinig,
    ako'y nalilito kaya hindi makakita.