Isaias 19:16-18

Ang Biblia (1978)

^16 (A)Sa araw na yaon ay magiging ^(B)parang mga babae ang Egipto: at manginginig at matatakot dahil sa ^(C)bala ng kamay ng Panginoon ng mga hukbo, na kaniyang ibinabala.

¹⁷ At ang lupain ng Juda ay magiging kakilabutan sa Egipto; sa kanino man mabanggit yaon ay matatakot, dahil sa panukala ng Panginoon ng mga hukbo, na ipinanukala laban doon.

^18 (D)Sa araw na yaon ay magkakaroon ng limang bayan sa lupain ng Egipto, ^(E)na mangagsasalita ng wika ng Canaan, at magsisisumpa sa Panginoon ng mga hukbo; isa'y tatawagin: Ang bayang giba.