Isaias 11:14-16

Magandang Balita Biblia (with Deuterocanon)

¹⁴ Lulusubin nila ang mga Filisteo sa kanluran
    at magkasama nilang sasamsamin ang ari-arian, ang mga bansa sa silangan;
sasakupin nila ang Edom at Moab,
    at susundin sila ng mga Ammonita.
¹⁵ Tutuyuin^(A) ni Yahweh ang Dagat ng Egipto,
at magpapadala siya ng mainit na hangin
    upang tuyuin ang Ilog Eufrates.
Ang matitira lang ay pitong maliliit na batis
    na tatawiran ng mga tao.
¹⁶ At magkakaroon ng isang malapad na daan mula sa Asiria
    para sa mga nalabi sa kanyang bayan,
kung paanong ang Israel ay may nadaanan
    nang sila'y umalis mula sa Egipto.