Isaias 1:13-15

Ang Biblia, 2001

¹³ Huwag na kayong magdala ng mga walang kabuluhang alay;
    ang insenso ay karumaldumal sa akin.
Ang bagong buwan, ang Sabbath, at ang pagtawag ng mga kapulungan—
    hindi ko na matiis ang kasamaan at ang banal na pagpupulong.
¹⁴ Ang aking kaluluwa ay namumuhi sa inyong mga bagong buwan at sa inyong mga takdang kapistahan,
ang mga iyan ay pasanin para sa akin.
    Ako'y pagod na sa pagpapasan ng mga iyan.
¹⁵ Kapag inyong iniunat ang inyong mga kamay,
    ikukubli ko ang aking mga mata sa inyo;
kahit na marami ang inyong panalangin,
    hindi ako makikinig;
    ang inyong mga kamay ay punô ng dugo.