Isaias 5:18-23

Ang Biblia (1978)

¹⁸ Sa aba nila na nagsisihila ng kasamaan sa pamamagitan ng mga panali ng walang kabuluhan, at ng kasalanan na tila panali ng kariton:

¹⁹ Na nagsasabi, ^(A)Magmaliksi siya, madaliin niya ang kaniyang gawa upang aming makita: at lumapit at dumating nawa ang payo ng Banal ng Israel upang aming maalaman!

²⁰ Sa aba nila na nagsisitawag ng mabuti ay masama, at ng masama ay mabuti; na inaaring dilim ang liwanag, at liwanag ang dilim; na inaaring mapait ang matamis, at matamis ang mapait!

²¹ Sa aba nila na pantas sa kanilang sariling mga mata, ^(B)at mabait sa kanilang sariling paningin!

²² Sa aba nila na malakas ^(C)uminom ng alak, at mga taong malakas sa paghahalo ng matapang na inumin:

²³ Na ^(D)nagsisiaring ganap sa masama ^(E)dahil sa suhol, at inaalis ang katuwiran sa matuwid!