یسعیاہ 60:1-6

Urdu Bible: Easy-to-Read Version

60 “یروشلم اٹھ اور منوّر ہو جا!
    کیوں کہ تیرا نور آگیا
اور خداوند کا جلال تجھ پر سورج کی طرح ظاہر ہوا۔
² آج اندھیرے نے ساری زمین
    اور اس کی قوموں کو ڈھک لیا ہے۔
لیکن خداوند تیرے اوپر روشن ہو گا۔
    اور اس کا جلال تیرے اوپر نمایا ہو گا۔
³ اس وقت قومیں تیری روشنی (خدا) کی طرف آئیں گی
    اور سلاطین تیرے سحر کی روشنی کی طرف چلیں گے۔
⁴ اپنے چاروں جانب دیکھ!
    د یکھ! تیرے چاروں جانب لوگ اکٹھے ہو رہے ہیں اور تیری پناہ میں آرہے ہیں۔
یہ سبھی لوگ تیرے بیٹے ہیں ، جو بہت دور و دراز کے مقاموں سے آرہے ہیں
    اور ان کے ساتھ دا ئیاں تیری بیٹیوں کو لا رہی ہیں۔
⁵ تب تم اسے دیکھو گے
    اورخو شی سے چمک اٹھو گے۔
تیرا دل جوش
    اور شادمانی سے بھر جا ئے گا۔
سمندر پار کے ملکوں کی ساری دھن دو لت تیرے پاس آ جا ئے گی
    قوموں کی دولت تیرے قدموں میں ہو گی۔
⁶ اونٹوں کے قافلوں سے، مدیان اور عیفہ کے اونٹوں کے بچوں سمیت
    تمہا ری زمین بھر جا ئے گی۔
وہ شبا سے آئیں گے،
    سونا اور بخور لا ئیں گے اور خداوند کی حمد کا اعلان کریں گے۔