^5 (A)“Ègbé ni fún àwọn ará Asiria, ọ̀gọ ìbínú mi,
    ní ọwọ́ ẹni tí kùmọ̀ ìbínú mi wà!
⁶ Mo rán an sí orílẹ̀-èdè aláìní Ọlọ́run
    Mo dojú rẹ̀ kọ àwọn ènìyàn tí ó mú mi bínú
láti já ẹrù gbà, àti láti kó ìkógun
    láti tẹ̀ mọ́lẹ̀ bí amọ̀ ní ojú òpópó.
⁷ Ṣùgbọ́n, èyí kì í ṣe ohun tí ó fẹ́ ṣe,
    èyí kọ́ ni ohun tí ó ní lọ́kàn;
èrò rẹ̀ ni láti parun,
    láti fi òpin sí ọ̀pọ̀lọpọ̀ orílẹ̀-èdè.
⁸ ‘Kì í ha ṣe pé ọba ni gbogbo àwọn aláṣẹ mi?’ ni Olúwa wí.
⁹ ‘Kì í ha ṣe pé Kalno dàbí i Karkemiṣi?
    Hamati kò ha dàbí i Arpadi,
    àti Samaria bí i Damasku?
¹⁰ Gẹ́gẹ́ bí ọwọ́ mi ti gbá ìjọba àwọn òrìṣà mú,
    ìjọba tí ère rẹ̀ pọ̀ ju ti Jerusalẹmu àti Samaria lọ.
¹¹ Èmi kì yóò a bá Jerusalẹmu wí àti àwọn ère rẹ̀?’ ”
    Gẹ́gẹ́ bí mo ṣe ṣe sí Samaria àti àwọn ère rẹ̀?

“ ‘Pẹ̀lú agbára ọwọ́ mi ni mo fi ṣe èyí
    àti pẹ̀lú ọgbọ́n ọ̀n mi, nítorí mo ní òye.
Mo mú ààlà àwọn orílẹ̀-èdè kúrò,
    Mo sì ti kó ìṣúra wọn.
    Gẹ́gẹ́ bí alágbára kan, mo borí àwọn ọba wọn.
¹⁴ Bí ènìyàn ti í tọwọ́ bọ ìtẹ́ ẹyẹ,
    bẹ́ẹ̀ ni ọwọ́ mi tẹ ọrọ̀ àwọn orílẹ̀-èdè.
Bí ènìyàn ti í kó ẹyin tí a kọ̀sílẹ̀,
    bẹ́ẹ̀ ni mo kó àwọn orílẹ̀-èdè
kò sí èyí tí ó fi apá lu apá,
    tàbí kí ó ya ẹnu láti dún.’ ”

²⁰ Ní ọjọ́ náà, àwọn tí ó ṣẹ́kù ní Israẹli,
    Àwọn tí ó yè ní ilé e Jakọbu,
kò ní gbẹ́kẹ̀lé ẹni náà
    tí ó lù wọ́n bolẹ̀,
ṣùgbọ́n ní òtítọ́ yóò gbẹ́kẹ̀lé Olúwa
    Ẹni Mímọ́ Israẹli.
²¹ Àwọn ìyókù yóò padà, àwọn ìyókù ti Jakọbu
    yóò padà sí ọ̀dọ̀ Ọlọ́run Alágbára.
²² Bí ó tilẹ̀ jẹ́ pé àwọn ènìyàn rẹ, ìwọ Israẹli
    dàbí yanrìn ní Òkun,
ẹni díẹ̀ ni yóò padà.
    A ti pàṣẹ ìparun
    àkúnwọ́sílẹ̀ àti òdodo.
²³ Olúwa, Olúwa àwọn ọmọ-ogun ni yóò mú un ṣẹ,
    ìparun tí a ti pàṣẹ rẹ̀ lórí
    gbogbo ilẹ̀ náà.

    “Ẹ̀yin ènìyàn mi tí ó ń gbé Sioni,
Ẹ má ṣe bẹ̀rù àwọn Asiria,
    tí ó ń fi ọ̀pá lù yín,
tí wọ́n sì ń gbé ọ̀gọ tì yín bí
    Ejibiti ti ṣe.
²⁵ Láìpẹ́, ìbínú mi sí i yín yóò wá sí òpin
    n ó sì dojú ìrunú mi kọ wọ́n,
    fún ìparun wọn.”

¹² “Ẹ̀yin Etiopia pẹ̀lú,
    a ó fi idà mi pa yín.”

¹³ Òun yóò sì na ọwọ́ rẹ̀ sí apá àríwá,
    yóò sì pa Asiria run,
yóò sì sọ Ninefe di ahoro,
    àti di gbígbẹ bí aginjù.
¹⁴ Agbo ẹran yóò sì dùbúlẹ̀ ni àárín rẹ̀,
    àti gbogbo ẹranko àwọn orílẹ̀-èdè.
Òwìwí aginjù àti ti n kígbe ẹyẹ òwìwí
    yóò wọ bí ẹyẹ ni ọwọ́n rẹ̀.
Ohùn wọn yóò kọrin ni ojú fèrèsé,
    ìdahoro yóò wà nínú ìloro ẹnu-ọ̀nà,
    òun yóò sì ṣẹ́ ọ̀pá kedari sílẹ̀.
¹⁵ Èyí ni ìlú aláyọ̀ tí ó ń gbé láìléwu.
    Ó sì sọ fun ara rẹ̀ pé,
“Èmi ni, kò sì sí ẹnìkan tí ó ń bẹ lẹ́yìn mi.”
    Irú ahoro wo ni òun ha ti jẹ́,
ibùgbé fún àwọn ẹranko igbó!
    Gbogbo ẹni tí ó bá kọjá ọ̀dọ̀ rẹ̀
yóò fi rẹ́rìn-ín ẹlẹ́yà,
    wọ́n yóò sì gbọn ẹsẹ̀ wọn.