Ieremias 15:10-12

Biblia Sacra Vulgata

¹⁰ Vae mihi, mater mea! quare genuisti me, virum rixae, virum discordiae in universa terra? Non foeneravi, nec foeneravit mihi quisquam: omnes maledicunt mihi.

¹¹ Dicit Dominus: Si non reliquiae tuae in bonum, si non occurri tibi in tempore afflictionis, et in tempore tribulationis adversus inimicum.

¹² Numquid foederabitur ferrum ferro ab aquilone, et aes?