II Machabaeorum 4:18-20

Biblia Sacra Vulgata

¹⁸ Cum autem quinquennalis agon Tyri celebraretur, et rex praesens esset,

¹⁹ misit Jason facinorosus ab Jerosolymis viros peccatores, portantes argenti didrachmas trecentas in sacrificum Herculis: quas postulaverunt hi qui asportaverant ne in sacrificiis erogarentur, quia non oporteret, sed in alios sumptus eas deputari.

²⁰ Sed hae oblatae sunt quidem ab eo qui miserat in sacrificium Herculis: propter praesentes autem datae sunt in fabricam navium triremium.