II Machabaeorum 1:11-13

Biblia Sacra Vulgata

¹¹ De magnis periculis a Deo liberati, magnifice gratias agimus ipsi, utpote qui adversus talem regem dimicavimus.

¹² Ipse enim ebullire fecit de Perside eos qui pugnaverunt contra nos et sanctam civitatem.

¹³ Nam cum in Perside esset dux ipse, et cum ipso immensus exercitus, cecidit in templo Naneae, consilio deceptus sacerdotum Naneae.