1 Timoteo 1-2

Ang Biblia (1978)

1 Si Pablo, na apostol ni Cristo Jesus ^(A)ayon sa utos ng ^(B)Dios na ating Tagapagligtas, at ni Cristo Jesus na ^(C)ating pagasa;

² Kay ^(D)Timoteo na aking ^(E)tunay na anak sa pananampalataya: Biyaya, kahabagan, at kapayapaan nawang mula sa Dios na Ama at kay Jesucristo na Panginoon natin.

³ Kung paanong ipinamanhik ko sa iyo na ikaw ay matira sa Efeso, nang pumaparoon ako sa Macedonia, upang maipagbilin mo sa ilang tao ^(F)na huwag magsipagturo ng ibang aral,

⁴ Ni huwag makinig ^(G)sa mga katha at sa mga ^(H)kasaysayan ng mga lahi na walang katapusan, na pinanggagalingan ng ^(I)pagtatalo, at hindi ng pagkakatiwalang mula sa Dios na nasa pananampalataya; ay gayon din ang ipinamamanhik ko ngayon.

⁵ Nguni't ^(J)ang kinauuwian ng bilin ay ang pagibig na nagbubuhat sa malinis na ^(K)puso at sa ^(L)mabuting budhi at sa pananampalatayang hindi paimbabaw:

⁶ Na pagkasinsay ng iba sa mga bagay na ito ay nagsibaling sa walang kabuluhang pananalita;

⁷ Na nagsisipagnasang maging mga guro ng kautusan, bagaman di nila natatalastas kahit ang kanilang sinasabi, kahit ang kanilang buong tiwalang pinatutunayan.

^8 (M)Datapuwa't nalalaman natin na ang kautusan ay mabuti, kung ginagamit ng tao sa matuwid,

⁹ Yamang nalalaman ito, na ang kautusan ay hindi ginawa dahil sa taong matuwid, kundi sa mga walang kautusan at manggugulo, dahil sa masasama at mga makasalanan, dahil sa mga di banal at ^(N)mapaglapastangan, dahil sa nagsisipatay sa ama at sa nagsisipatay sa ina, dahil sa mga mamamatay-tao,

¹⁰ Dahil sa ^(O)mga nakikiapid, dahil sa mga mapakiapid sa kapuwa lalake, dahil sa mga ^(P)nagnanakaw ng tao, dahil sa mga bulaan, dahil sa mga ^(Q)mapagsumpa ng kabulaanan, at kung mayroon pang ibang bagay laban ^(R)sa mabuting aral;

¹¹ Ayon sa evangelio ng kaluwalhatian ng mapagpalang Dios, ^(S)na ipinagkatiwala sa akin.

¹² Nagpapasalamat ^(T)ako sa kaniya na nagpapalakas sa akin, kay Cristo Jesus na Panginoon natin, sapagka't ako'y inari niyang tapat, na ako'y inilagay sa paglilingkod sa kaniya;

¹³ Bagaman nang una ako'y naging mamumusong, at ^(U)manguusig; at mangaalipusta: gayon ma'y ^(V)kinahabagan ako, sapagka't yao'y ^(W)ginawa ko sa di pagkaalam sa kawalan ng pananampalataya;

¹⁴ At totoong sumagana ^(X)ang biyaya ng ating Panginoon na nasa pananampalataya at pagibig na pawang kay Cristo Jesus.

¹⁵ Tapat ang pasabi, at nararapat tanggapin ng lahat, ^(Y)na si ^(Z)Cristo Jesus ay naparito sa sanglibutan upang iligtas ang mga makasalanan; na ako ang pangulo ^(AA)sa mga ito;

¹⁶ Gayon ma'y dahil dito, kinahabagan ako, upang sa akin na pangulong makasalanan, ay maipahayag ni Jesucristo ang buong pagpapahinuhod niya, na halimbawa sa mga magsisisampalataya sa kaniya, sa ikabubuhay na walang hanggan.

¹⁷ Ngayon ^(AB)sa Haring walang hanggan, walang kamatayan, di nakikita, ^(AC)sa iisang Dios, ay ang kapurihan at kaluwalhatian magpakailan kailan man. Siya nawa.

¹⁸ Ang biling ito ay ipinagtatagubilin ko sa iyo, Timoteo na aking ^(AD)anak, ayon sa mga ^(AE)hula na nangauna tungkol sa iyo, upang sa pamamagitan ng mga ito ay ^(AF)makipagbaka ka ng mabuting pakikipagbaka;

^19 (AG)Na ingatan mo ang pananampalataya ^(AH)at ang mabuting budhi; na nang ito'y itakuwil ng iba sa kanila ^(AI)ay nangabagbag tungkol sa pananampalataya:

²⁰ Na sa mga ito'y si ^(AJ)Himeneo at si ^(AK)Alejandro; ^(AL)na sila'y aking ibinigay kay Satanas, upang sila'y maturuang huwag mamusong.

2 Una-una nga sa lahat ng mga bagay, ay iniaaral ko na ^(AM)manaing, manalangin, mamagitan, at magpasalamat na patungkol sa lahat ng mga tao;

² Ang mga hari at ^(AN)ang lahat ng nangasa mataas na kalagayan; upang tayo'y mangabuhay na tahimik at payapa sa buong kabanalan at kahusayan.

³ Ito'y ^(AO)mabuti at nakalulugod sa paningin ^(AP)ng Dios na ating Tagapagligtas;

⁴ Na siyang ^(AQ)may ibig na ang lahat ng mga tao'y mangaligtas, at ^(AR)mangakaalam ng katotohanan.

⁵ Sapagka't may isang Dios at ^(AS)may ^(AT)isang Tagapamagitan sa Dios at sa mga tao, ang taong si Cristo Jesus,

⁶ Na ibinigay ^(AU)ang kaniyang sarili na pangtubos sa lahat; na pagpapatotoong mahahayag ^(AV)sa sariling kapanahunan;

⁷ Na dito'y itinalaga ako na tagapangaral at ^(AW)apostol (sinasabi ko ang katotohanan, hindi ako nagsisinungaling), ^(AX)guro sa mga Gentil sa pananampalataya at katotohanan.

⁸ Ibig ko ngang ang mga tao'y magsipanalangin ^(AY)sa bawa't dako, na iunat ang mga ^(AZ)kamay na banal, na walang galit at pakikipagtalo.

⁹ Gayon din naman, na ^(BA)ang mga babae ay magsigayak ng mahinhing damit na may katimtiman at hinahon; hindi ng mahalagang hiyas ng buhok, at ginto o perlas o damit na mahalaga;

¹⁰ Kundi ^(BB)(siyang nararapat sa mga babae na magpakabanal) sa pamamagitan ng mabubuting gawa.

¹¹ Ang babae'y magaral na tumahimik na may buong pagkapasakop.

¹² Nguni't hindi ko ipinahihintulot na ^(BC)ang babae ay magturo, ni magkaroon ng pamumuno sa lalake, kundi tumahimik.

¹³ Sapagka't si Adam ay siyang unang ^(BD)nilalang, saka si Eva;

¹⁴ At si Adam ay hindi nadaya, kundi ^(BE)ang babae nang madaya ay nahulog sa pagsalangsang;

¹⁵ Nguni't ililigtas siya sa pamamagitan ng panganganak, kung sila'y magsisipamalagi sa pananampalataya at pagibig at sa pagpapakabanal na may hinahon.