Hukom 20:24-26

Ang Salita ng Dios (Tagalog Contemporary Bible)

²⁴ At nang sumunod na araw, nilusob nila ang mga taga-Benjamin. ²⁵ Pero lumabas muli ang mga taga-Benjamin sa Gibea at sinalubong ang mga kapwa nila Israelita. At sa pagkakataong iyon, napatay na naman nila ang 18,000 Israelita na armado lahat ng espada.

²⁶ Kaya umahon muli ang lahat ng Israelita sa Betel at umiyak sa presensya ng Panginoon. Nag-ayuno sila hanggang gabi at nag-alay ng mga handog na sinusunog at mga handog para sa mabuting relasyon.