Hukom 17:4-6

Ang Salita ng Dios (Tagalog Contemporary Bible)

⁴ Pagkatapos, kumuha ang kanyang ina ng 200 pilak at ibinigay sa platero. Ginamit ito ng platero na pangtapal sa kahoy na imahen. Nang natapos na, inilagay ang dios-diosan sa bahay ni Micas.

⁵ May sariling sambahan si Micas at nagpagawa siya ng mga dios-diosan at espesyal na damit^[a] ng pari. At ginawa niyang pari ang isa sa mga anak niyang lalaki. ⁶ Nang panahong iyon, walang hari sa Israel, kaya ang bawat isa ay malaya kung ano ang gusto niyang gawin.