Hosea 10:3-5

Magandang Balita Biblia (with Deuterocanon)

³ Ngayon nama'y sasabihin nila,
    “Wala kaming hari,
sapagkat hindi kami sumasamba kay Yahweh.
    Ngunit ano nga ba naman ang magagawa ng isang hari para sa amin?”
⁴ Puro siya salita ngunit walang gawa;
    puro pangako ngunit laging napapako;
ang katarungan ay pinalitan ng kawalang-katarungan,
    at ito'y naging damong lason na sumisibol sa buong lupain.
⁵ Matatakot at mananaghoy ang mga taga-Samaria
    dahil sa pagkawala ng mga guya sa Beth-aven.
Ipagluluksa ito ng sambayanan;
    mananangis pati mga paring sumasamba sa diyus-diyosan,
    dahil sa naglaho nitong kaningningan.