Hosea 1:3-5

Magandang Balita Biblia (with Deuterocanon)

³ Napangasawa nga ni Hosea si Gomer na anak ni Diblaim. Di nagtagal, ang babae ay naglihi at nanganak ng isang lalaki. ⁴ Sinabi^(A) ni Yahweh kay Hosea, “Jezreel^[a] ang ipapangalan mo sa bata sapagkat paparusahan ko ang sambahayan ni Jehu dahil sa maramihang pagpaslang sa Jezreel at wawakasan ko ang kaharian ng Israel. ⁵ Sa araw na iyon, wawasakin ko sa libis ng Jezreel ang lakas ng hukbong Israel.”