Hosea 4

Bíbélì Mímọ́ Yorùbá Òde Òn

⁴ “Ṣùgbọ́n kí ẹnikẹ́ni má ṣe mú ẹ̀sùn wá,
    kí ẹnìkan má sì ṣe fi ẹ̀sùn kan ẹnìkejì
nítorí àwọn ènìyàn rẹ̀ dàbí
    àwọn ti ń fi ẹ̀sùn kan àlùfáà
⁵ Ẹ ń ṣubú lọ́sàn án àti lóru
    àwọn wòlíì yín sì ń ṣubú pẹ̀lú yín
Èmi ó pa ìyá rẹ run
⁶     Àwọn ènìyàn mi ń ṣègbé nítorí pé wọn kò ní ìmọ̀.

“Nítorí pé ẹ ti kọ ìmọ̀ sílẹ̀.
    Èmi náà kọ̀ yín ní àlùfáà mi;
nítorí pé ẹ ti kọ òfin Ọlọ́run yín sílẹ̀
    Èmi náà yóò gbàgbé àwọn ọmọ yín.
⁷ Bí àwọn àlùfáà ṣe ń pọ̀ sí i
    bẹ́ẹ̀ ni wọ́n ṣe ń dẹ́ṣẹ̀ sí mi.
    Wọ́n yí ògo mi padà sí ohun ìtìjú
⁸ wọ́n ń jẹun nípa ẹ̀ṣẹ̀ àwọn ènìyàn mi
    Wọ́n sì ń gbádùn nínú ìwà búburú wọn.
⁹ Yóò sì ṣe gẹ́gẹ́: bí ènìyàn ṣe rí náà ni àwọn àlùfáà rí
    Èmi ó jẹ gbogbo wọn ní yà nítorí ọ̀nà wọn.
    Èmi ó sì san án fún wọn gẹ́gẹ́ bí iṣẹ́ wọn.

¹⁰ “Wọn ó máa jẹun ṣùgbọ́n wọn kò ní yó;
    wọn ó ṣe àgbèrè ṣùgbọ́n, wọn kò ni pọ̀ sí i,
nítorí pé wọ́n ti kọ Olúwa
sílẹ̀ ¹¹     ‘Wọ́n sì ti fi ara wọn’ fún àgbèrè,
wọ́n fi ara wọn fún wáìnì àtijọ́
àti tuntun èyí tó gba òye àwọn ènìyàn mi sọnù ¹²     Wọ́n ń gba ìmọ̀ràn lọ́wọ́ ère igi
ọ̀pá igi sì ń dá wọn lóhùn.
    Ẹ̀mí àgbèrè ti mú wọn ṣìnà
    wọ́n sì jẹ́ aláìṣòótọ́ sí Ọlọ́run wọn.
¹³ Wọ́n ń rú ẹbọ lórí àwọn òkè ńlá,
    Wọ́n sì ń sun ọrẹ tùràrí lórí àwọn òkè kékeré
Lábẹ́ igi óákù, àti igi Poplari
    àti igi ẹlimuati onírúurú igi tí ìbòjú rẹ̀ dára
Nítorí náà àwọn ọmọbìnrin yín yóò ṣe àgbèrè
    àti àwọn àfẹ́sọ́nà yín yóò ṣe àgbèrè.

¹⁴ “Èmi kò ní jẹ àwọn ọmọbìnrin yín
    ní yà nígbà tí wọ́n bá ṣe àgbèrè
tàbí àwọn àfẹ́sọ́nà ọmọ yín,
    nígbà tí wọ́n bá ṣe àgbèrè
nítorí pé àwọn ọkùnrin pàápàá ń bá alágbèrè kẹ́gbẹ́.
    Wọ́n sì ń rú ẹbọ pẹ̀lú àwọn alágbèrè ojúbọ òrìṣà.
    Nítorí náà, ènìyàn tí kò bá ní òye yóò parun!

¹⁵ “Bí ó tilẹ̀ jẹ́ pé o ṣe àgbèrè ìwọ Israẹli
    Ìdájọ́ yìí wà fún un yín Ẹ má ṣe jẹ́ kí Juda di ẹlẹ́bi.

“Ẹ má ṣe lọ sí Gilgali.
    Ẹ má sì ṣe gòkè lọ sí Beti-Afeni
    ẹ má sì búra pé, ‘Bí Olúwa ti wà láààyè nítòótọ́!’
¹⁶ Àwọn ọmọ Israẹli ṣe agídí
    bí alágídí ọmọ màlúù
Báwo wá ni Olúwa ṣe fẹ́ bọ́ wọn
    bí àgùntàn ní pápá oko tútù?
¹⁷ Efraimu ti darapọ̀ mọ́
    òrìṣà Ẹ fi sílẹ̀!
¹⁸ Bí ohun mímu wọn bá tilẹ̀ tán
    wọ́n tún tẹ̀síwájú nínú àgbèrè
    Àwọn olórí wọn fẹ́ràn ohun ìtìjú ju ohun ìyìn lọ.
¹⁹ Ìjì ni yóò gbá wọn lọ.
    Gbogbo ìrúbọ wọn yóò sì kó ìtìjú bá wọn.