A A A A A
Bible Book List

HEBREOS 1Mam de Todos Santos Chuchumatán (MVJ)

Jun uˈj cye xjal aj Israel

Ma tzaj tkbaˈn Dios tyol ke tuˈn Tcwalxin

Tuj tyem ootxa Dios e kˈumente cye ke kxeˈchel nim maj bix chˈimacˈa tten. Cyuˈntzen ke tyolelxin e tkbaˈxin. Yaltzen tuj jtyem te jaˈlewe, tuˈn Tcwalxin o cyaj tyolenxin ke te junx maj. Bix tuˈn Tcwalxin e tbincha Dios cykilca at twitz txˈotxˈ bix twitz cyaˈj. Tetzen te Tcwalxin o cyjaˈ tkˈoˈnxin cykilca tuj tkˈab, bix o tzˈocxin te Taaw tibaj cykilca twitz txˈotxˈ. Tisen tken kˈij tzin techlaˈn tiiˈn tzunj kˈij, juˈtzen Tcwal Dios tzin techlaˈn te ke tiiˈn jawnex tnaabl bix tipemal bix tbanel Dios. Ja tzunxin kˈilte te cykilca tuj tumel tuˈn tipemal tyolxin. Ja tzunxin e cyim tuˈntzen ttxjonte kil, bix o ponxin tuj tmankˈab Dios tuj cyaˈj te cawel tuya Dios.

Mas nim toclen tcwal Dios cywitz ke ángel

Attzen juun xjal cyxola ncub cybisena tiˈj ka jaj tley Moisés kˈoˈn cye ke kxeˈchel mas nintzaj twitzj te Jesús jaˈlewe, cuma ejeeˈ tsanjel Dios tuj cyaˈj e tzaj kˈonte. Pero ja te Tcwal Dios mas jawnex twitzj cyej tsanjel Dios tuj cyaˈj, bix juˈ tzunj mas tzˈakl tyolxin. ¡Jawnexsen jun tbi toclenxin! Ktzkiˈn mas jawnex Tcwal Dios twitzj cye tsanjel Dios tuj cyaˈj cuma nuk te Tcwal e cyjaˈ tkˈumen Dios ja yol lu: “Jaˈlewe cˈoquel nkˈoˈn tbiy te Ncwal, bix tuya jawnex taakˈena.” Juˈ e tkba Dios te Tcwal jatxe nejl, yaaˈn te jun ángel. Bix juˈx min e tkˈumexin tuj tyolxin tiˈj jun ángel ja yol lu: “Inayena Tmana, bix jay Ncwala,” tz̈i tyol Dios. Bix juntl. Oj ttzaj tiiˈn Dios Tcwal twitz txˈotxˈ juntl maj tuˈn toc te tneel cawel, cxeˈl tkbaˈnxin: “Enterake tsanjel Dios tuj cyaˈj chi cwel maje twitz Tcwal Dios,” tz̈i tyol Dios. Bix cyiˈj tzunj tsanjel Dios tuj cyaˈj tz̈i Dios: “Tisen jun cykˈiˈk cˈulel bix qˈuiyel bix tisen jun tken kˈakˈ cjawel julen bix cwel baj, juˈtzen ke ángel nuk chi ulel ajx yecˈl cyiib,” tz̈i tyol Dios. Pero tiˈtzen Tcwal Dios, tz̈i Dios te Tcwal: “Tujtzen tkˈukˈbila, jay Dios, ccawela te junx maj. Jun tcawbila jaxse jun cawbil jiquen. Bix te junx maj o tjoya jun baˈn bix o tzˈel t‑xooˈna jun kaˈ. Juˈ tzunj ma scyˈeta te cawel wuˈn. Juˈ tzunj te tey at mas tzalajebl cywitz ke ángel,” tz̈i Dios te Tcwal, tz̈i tyol Dios.

10 Bix at juntl e kbet nejl. Tuj tyol Dios nkˈumente: “Tz̈i Dios te Tcwal: ‘Jay, Taaw, ja tzuna e binchante cykil twitz txˈotxˈ tuj tneel, bix tuya tkˈaba e binne cykil twitz cyaˈj. 11 Pero ja tzunkej e tbinchay chi naˈl, twitz txˈotxˈ tuya cyaˈj, pero jay, mintiiˈ tbajlela. Cuma cykil kej e tbinchay tisen xbalen chi tiil. 12 Cwel buchj txˈotxˈ tuya cyaˈj tisen jun xbalen kˈanak mintiiˈ cˈajbeletl, bix il tiˈj cchˈixpetel. Pero tey, jaxa te junx maj. Mlay pon baj ttyema, bix mlay chˈixpeta,’ tz̈i Dios te Tcwal,” tz̈i tyol Dios. 13 Dios bajx tkbaˈ te jun tsanjel tuj cyaˈj tisen e xiˈ tkˈumenxin jun maj te Tcwalxin. Tz̈i cyjulu: “Kequey tuj nmankˈaba, ojxetzen tcub nkˈoˈna tjakˈ tkena kej xjal chiˈlel tiˈja bix cycyˈi tuˈn tcawena cyibaj,” tz̈i Dios te Tcwal, tz̈i tyol Dios. 14 ¡Min! Ke cye ángel nuk espírituke nchi ajben te onlte Dios. Yaaˈn cawelke tisen Tcwal Dios. Jatzen Dios nxiˈ kˈoncye te onel bix cˈojlal cyej xjal ocslal.

  Back

1 of 1

You'll get this book and many others when you join Bible Gateway Plus. Learn more

Viewing of
Cross references
Footnotes