Genesis 7:13-16

Ang Salita ng Dios (Tagalog Contemporary Bible)

¹³ Noong mismong araw na nagsimulang umulan, pumasok sa barko si Noe, ang asawa niya at ang tatlo nilang anak na sina Shem, Ham at Jafet kasama ang mga asawa nila. ¹⁴ Kasama rin nila ang lahat ng uri ng hayop: mga lumalakad, gumagapang at lumilipad. ^15-16 Ayon sa iniutos ng Dios kay Noe, pinapasok niya sa barko ang bawat pares ng lahat ng uri ng hayop na lumalapit sa kanya. Pagkatapos, isinara ng Panginoon ang barko.