Genesis 47:5-7

Magandang Balita Biblia (with Deuterocanon)

⁵ Sinabi ng Faraon kay Jose, “Ngayong narito na ang iyong ama at mga kapatid, ⁶ at ikaw naman ang namamahala sa buong Egipto, ibigay mo sa kanila ang pinakamainam na lupain. Doon mo sila patirahin sa Goshen. Kung may mapipili kang mahuhusay na pastol, sila ang pamahalain mo sa aking mga kawan.”

⁷ Isinama ni Jose ang kanyang ama sa palasyo at pagdating doo'y binasbasan ni Jacob ang Faraon.