Genesis 33:12-14

Biblia Sacra Vulgata

¹² ait: Gradiamur simul, eroque socius itineris tui.

¹³ Dixitque Jacob: Nosti, domine mi, quod parvulos habeam teneros, et oves, et boves foetas mecum: quas si plus in ambulando fecero laborare, morientur una die cuncti greges.

¹⁴ Praecedat dominus meus ante servum suum: et ego sequar paulatim vestigia ejus, sicut videro parvulos meos posse, donec veniam ad dominum meum in Seir.