Genesis 22:17-19

Ang Salita ng Dios (Tagalog Contemporary Bible)

^16-17 Sinabi niya, “Ito ang sinasabi ng Panginoon: Sumusumpa ako sa sarili ko na pagpapalain kita nang lubos dahil hindi mo ipinagkait sa akin ang kaisa-isa mong anak. Bibigyan kita ng mga lahi na kasindami ng mga bituin sa langit at ng buhangin sa dalampasigan. Sasakupin nila ang mga lungsod ng kanilang mga kaaway. ¹⁸ At sa pamamagitan ng iyong mga lahi,^[a] pagpapalain ko ang lahat ng bansa sa mundo, dahil sumunod ka sa akin.”

¹⁹ Pagkatapos nito, binalikan nila Abraham at Isaac ang kanilang mga alipin. At bumalik sila sa Beersheba at doon na nanirahan.