Genesis 2:9-11

Magandang Balita Biblia (with Deuterocanon)

⁹ Pinatubo^(A) niya roon ang lahat ng uri ng punongkahoy na magagandang pagmasdan at masasarap ang bunga. Sa gitna ng halamanan ay naroon ang punongkahoy na nagbibigay-buhay, at gayundin ang punongkahoy na nagbibigay-kaalaman tungkol sa mabuti at masama.

¹⁰ Umaagos noon mula sa Eden ang isang ilog na dumidilig sa halamanan. Paglabas doon, ito'y nahahati sa apat na sanga. ¹¹ Ang una na kung tawagi'y Ilog Pishon ay umaagos sa lupain ng Havila.