Genesis 35:9-14

Magandang Balita Biblia

⁹ Pagbalik ni Jacob mula sa Mesopotamia, muling nagpakita sa kanya ang Diyos at siya'y binasbasan, ¹⁰ “Jacob^(A) ang pangalan mo, ngunit mula ngayon, Israel na ang itatawag sa iyo.” ¹¹ Sinabi^(B) pa sa kanya, “Ako ang Makapangyarihang Diyos; magkakaroon ka ng maraming anak. Darami ang iyong mga lahi at sa kanila'y may mga magiging hari. Magmumula sa lahi mo ang maraming bansa. ¹² Ang mga lupaing aking ipinangako kay Abraham at kay Isaac ay ibibigay ko sa iyo at sa iyong mga anak.” ¹³ At iniwan siya ng Diyos. ¹⁴ Naglagay^(C) si Jacob ng batong palatandaan sa lugar na pinagtagpuan nila. Binuhusan niya ito ng langis at alak bilang tanda na ito'y ukol sa Diyos.