Gawa 25:13-15

Ang Salita ng Dios (Tagalog Contemporary Bible)

Pinaharap si Pablo kay Haring Agripa

¹³ Makaraan ang ilang araw, dumating sa Cesarea si Haring Agripa^[a] at ang kanyang kapatid na si Bernice dahil nais nilang dalawin si Gobernador Festus. ¹⁴ Nanatili sila roon ng ilang araw, at sinabi ni Festus sa hari ang kaso ni Pablo. Sinabi niya, “May bilanggong iniwan dito ang dating gobernador na si Felix. ¹⁵ Pagpunta ko sa Jerusalem, inakusahan ang taong ito ng mga namamahalang pari at ng mga pinuno ng mga Judio. Hiniling nila sa akin na parusahan ko siya.