Galacia 6:15-17

Ang Salita ng Dios (Tagalog Contemporary Bible)

¹⁵ Hindi na mahalaga kung tuli tayo o hindi. Ang tanging mahalaga ay kung binago na tayo ng Dios.

¹⁶ Sa lahat ng pinili ng Dios^[a] at namumuhay ayon sa mga turo kong ito, sumainyo nawa ang kapayapaan at awa ng Dios.

¹⁷ Mula ngayon, huwag nʼyo na akong guluhin. Ang tanda ng mga sugat sa katawan ko ay nagpapatunay na sinusunod ko si Jesus.