Filipos 4:10-12

Ang Biblia (1978)

¹⁰ Datapuwa't ako'y totoong nagagalak sa Panginoon, na ngayon sa kahulihulihan ay inyong binuhay ang ^(A)inyong pagmamalasakit sa akin; na dito'y katotohanang nangagkaroon kayo ng malasakit, nguni't ^(B)kayo'y nagkulang ng mabuting pagkakataon.

¹¹ Hindi sa sinasabi ko ang tungkol sa kailangan: sapagka't aking natutuhan ang ^(C)masiyahan sa anomang kalagayang aking kinaroroonan.

¹² Marunong akong magpakababa, at marunong naman akong magpakasagana: sa bawa't bagay at sa lahat ng bagay ay natutuhan ko ang lihim maging sa kabusugan, at maging sa kagutuman, at maging sa kasaganaan at maging sa kasalatan.