Filemon 16-18

Ang Salita ng Dios (Tagalog Contemporary Bible)

¹⁶ Kahit na alipin mo siya, isa na rin siyang minamahal na kapatid. Napamahal siya sa akin, at lalo na sa iyo, ngayong hindi mo lang siya alipin kundi kapatid pa sa Panginoon.

¹⁷ Kaya kung itinuturing mo akong kamanggagawa^[a] sa Panginoon, tanggapin mo siya na parang ako ang iyong tinatanggap. ¹⁸ Kung siya man ay nagkasala o nagkautang sa iyo, ako na lamang ang singilin mo.