Ezekiel 46:19-21

Ang Biblia (1978)

Ang mga dako na pagpapakuluan ng mga saserdote.

¹⁹ Nang magkagayo'y dinala niya ako sa pasukan, na nasa tabi ng pintuang-daan, sa loob ^(A)ng mga banal na silid na ukol sa mga saserdote, na nakaharap sa hilagaan: at, narito, may isang dako sa lalong loob na bahagi na dakong kalunuran.

²⁰ At sinabi niya sa akin, Ito ang dako na pagpapakuluan ng mga saserdote ^(B)ng handog sa pagkakasala at ng handog dahil sa kasalanan, ^(C)na siyang kanilang pagiihawan ng handog na harina; upang huwag nilang mailabas sa lalong labas na looban, ^(D)upang banalin ang bayan.

²¹ Nang magkagayo'y inilabas niya ako sa labas ng looban ng bahay at pinaraan niya ako sa apat na sulok ng looban; at, narito, sa bawa't sulok ng looban ay may isang looban.