Ezekiel 45:1-6

Ang Biblia (1978)

Ang bahagi ng mga Levita at mga prinsipe.

45 Bukod dito'y pagka inyong ^(A)hahatiin sa pamamagitan ng sapalaran ang lupain na pinakamana, mangaghahandog kayo ng alay sa Panginoon, ^(B)isang banal na bahagi ng lupain; ang haba ay magkakaroon ng habang dalawang pu't limang libong ^(C)tambo, at ang luwang ay magiging sangpung libo: ito'y magiging banal sa lahat ng hangganan niyaon sa palibot.

² Dito'y magkakaroon ukol sa dakong banal ng limang daan ang haba at limang daang luwang, parisukat sa palibot; limang pung siko sa pagitan niyaon sa palibot.

³ At sa sukat na ito iyong susukatin, na ang haba ay dalawang pu't limang libo, at ang luwang ay sangpung libo: ^(D)at doo'y malalagay ang santuario, ^(E)na pinakabanal.

⁴ Siyang banal na bahagi ng lupain; ^(F)ito'y para sa mga saserdote, na mga tagapangasiwa ng santuario, na nagsisilapit upang magsipangasiwa sa Panginoon; at ito'y magiging dakong kalalagyan ng kanilang mga bahay, at banal na dakong kalalagyan ng santuario.

⁵ At dalawang pu't limang libo ang haba, at sangpung libo ang luwang ay magiging sa mga Levita, na mga tagapangasiwa ng bahay, na pinaka pagaari sa kanilang sarili, na dalawang pung silid.

⁶ At inyong itatakda ang pagaari ng bayan na limang libo ang luwang, at dalawang pu't limang libo ang haba, sa tabi ng alay na banal na bahagi: magiging ukol sa buong sangbahayan ni Israel.