Ezekiel 43:17-19

Ang Biblia (1978)

¹⁷ At ang patungan niyaon ay magkakaroon ng labing apat na siko ang haba at labing apat na siko ang luwang sa apat na tagiliran niyaon; at ang gilid sa palibot ay magiging kalahating siko; at ang patungan niyaon ay magiging isang siko sa palibot; at ang mga baytang niyaon ay paharap sa dakong silanganan.

Ang pagpapasakdal sa dambana.

¹⁸ At sinabi niya sa akin, Anak ng tao, ganito ang sabi ng Panginoong Dios: Ito ang mga alituntunin tungkol sa dambana sa kaarawan na kanilang gagawin, upang paghandugan sa ibabaw ng mga handog na susunugin, at upang ^(A)pagwisikan ng dugo.

¹⁹ Iyong ibibigay sa ^(B)mga saserdote na mga Levita ^(C)na sa angkan ni Sadoc na malapit sa akin, ^(D)upang magsipangasiwa sa akin, sabi ng Panginoong Dios, ang isang guyang baka na ^(E)pinakahandog dahil sa kasalanan.