Ezekiel 40:12-14

Magandang Balita Biblia

¹² Sa harap ng mga silid ng bantay-pinto ay may pader na kalahating metro ang taas, gayon din ang kapal. Ang mga silid ay kuwadrado: tatlong metro ang haba, gayon din ang luwang. ¹³ Pagkatapos, sinukat niya mula sa gilid ng unang silid hanggang sa huling silid. Ito'y may labindalawa't kalahating metro. ¹⁴ Sinukat din niya ang bulwagan sa pasukan at ito'y may sampung metro.