Ezekiel 40:10-12

Magandang Balita Biblia

¹⁰ Pare-pareho ang sukat ng mga silid na ito, at magkakasingkapal ang mga pader sa pagitan. ¹¹ Sinukat din niya ang pasukan papuntang tarangkahan. Ang kabuuang luwang nito'y anim at kalahating metro at limang metro naman ang tarangkahan. ¹² Sa harap ng mga silid ng bantay-pinto ay may pader na kalahating metro ang taas, gayon din ang kapal. Ang mga silid ay kuwadrado: tatlong metro ang haba, gayon din ang luwang.