Ezekiel 36:9-11

Magandang Balita Biblia (with Deuterocanon)

⁹ Ako'y inyong kakampi. Bubungkalin at tatamnan ang inyong lupain. ¹⁰ Pararamihin ko ang iyong mamamayan. Doon kayo titira sa dati ninyong lunsod at higit ko kayong pasasaganain kaysa noon. ¹¹ Pararamihin ko nga ang mga tao at mga hayop. Marami ang magiging anak nila. Pupunuin kita ng tao, tulad noong una, at higit na maraming mabubuting bagay ang gagawin ko ngayon sa iyo. Sa gayon, makikilala mong ako si Yahweh.