Ezekiel 23:32-34

Magandang Balita Biblia

³² Ito nga ang ipinapasabi ni Yahweh:
“Ang iinuman mong saro ng iyong kapatid ay malaki at malalim.
Ikaw ay pagtatawanan at tutuyain;
    pagkat umaapaw ang laman nito.
³³ Malalasing ka at matitigib ng kalungkutan,
    sapagkat ang saro ng Samaria na kapatid mo,
    ay saro ng pagkatakot at pagkawasak.
³⁴ Iyong uubusin ang laman ng saro,
    pagkatapos, babasagin mo ito at susugatan ang iyong dibdib.”