Ezekiel 16:27-29

Magandang Balita Biblia

²⁷ Dahil dito, paparusahan kita. Babawasan ko ang iyong mana. Ipapasakop kita sa mga Filisteo, ang mga taong namumuhi sa iyo. Sila ma'y muhi sa mahalay mong gawain.

²⁸ “Dahil sa iyong kawalang kasiyahan, napaangkin ka rin sa taga-Asiria. ²⁹ Hindi ka pa nasiyahan dito, maraming beses mo ring ipinaangkin ang iyong katawan sa bansang Caldea, ang lupain ng mga mangangalakal. Ngunit hindi ka pa rin nakuntento rito.