Ezekiel 10:16-18

Ang Biblia (1978)

¹⁶ At nang magsiyaon ang mga kerubin, ang mga gulong ay nagsiyaong kasiping nila: at nang itaas ng mga kerubin ang kanilang mga pakpak upang paitaas mula sa lupa, ang mga gulong naman ay hindi nagsihiwalay sa siping nila.

^17 (A)Pagka sila'y nagsisitayo, ang mga ito ay nagsisitayo; at pagka sila'y nangapaiitaas, ang mga ito'y nangapaiitaas na kasama nila: sapagka't ang espiritu ng nilalang na may buhay ay nasa mga yaon.

¹⁸ At ^(B)ang kaluwalhatian ng Panginoon ^(C)ay lumabas mula sa pintuan ng bahay, at lumagay sa ibabaw ng mga kerubin.